Archive for January, 2008

Meri Aankho Ne Dekha Ek Sapna !!!

Meri aankho ne dekha ek sapna,
Sapne me tha koi apna,

Arzoo thi kuchh sunaane ki,
Unhe hale dil bataane ki,
Kuchh pyar ki, kuchh takraar ki,
Aur kuchh lambe sath bitaane ki,

Woh pal the kuchh khwab bunne ke,
Yadon ke daaman me kuchh nagme sath gaane ke,

Unka ehsaas hi kafi tha dil ki vina me rag bharne ko,
Man ke chaman me phool khilaane ko,
Labo pe muskaan laane ko,
Aur zindagi me rang bharne ko,

Ek pyare pal me,
Aasha ki kiran me,
Humne chhedi ek raag,
Aur suna daala unhe apne dil ka haal,

Humaare dil me thi unke chahat ki madhoshi,
Lekin badle me mili hume unki thandhi khamoshi,

Unki khamoshi humse kuchh keh rahi thi,
Lab khaomosh the, aankhe ishara kar rehi thi,

Isse pehle hum samajh pate un aankho ki bhasha,
Unhone humse doori kar li,

Humne dil ke dard ko sambhala,
Chakchhu ke aanshoo roke,
Woh hume khoob rulate,
Usse pehle humne bhi apni raah badal li,

Raah badalte hi humaari aankh khuli,
Hum sapne se jaage,
Aine me dekha,
To humari aankhe ab bhi nam thi !!!

Advertisements

January 31, 2008 at 5:41 am 2 comments


Important Notice

I have moved to my new website.. www.niteshambuj.com

Twitter


Blog Stats

  • 23,945 visitors have read this blog.

Categories

Indi BLogger’s Rank

Feeds

Recent Posts

Top Clicks

  • None

My Tweets